வெற்றுக் காகிதம் !!!

உன் அனுமதியில்லாமல் 

நம் நினைவுகளை காகிதத்தில் வார்த்தைகளாக வடிவம்
கொடுத்துக் கொண்டிருக்க ,

திடிர் காற்றின் உருவாய் நீ வந்த போது ,

என்னையும் மறந்து உன்னை ரசித்தபடி இருந்தேன்.

காற்றாய் நீ மறைந்த பின், வடிவம் கொடுத்திருந்த ,காகிதம்
உன் பின்னே பறந்து செல்ல,

காகிதங்களை சேகரித்து பார்த்து வியந்தேன்.

எழுதிய வார்த்தைகள் மட்டும் காணாமல் போக ,

நான் மட்டும் நம் நினைவுள்ள எழுத்துக்களை தேடியபடி,
வெற்று காகிதமாய் நிற்கிறேன் .

காகிதத்தை கடிதமாக்குவதும் ,
காவியமாக்குவதும் , கண்ணீர் அஞ்சலி சுவரோட்டியாக்குவதும் காற்றாய் காணாமல் சென்ற என் சுவாசத்திடம்
மட்டுமே உள்ளது …