நாடகம் !!!

அரிதாரம் பூசா முகத்தில்

அவனோடு அவள் ஆரம்பித்த,

காதல் நாடகம் ,

அவளின்  திருமணமேடையில்

முடிவடைந்தது !

அலங்காரம் செய்து ஆரம்பிக்க

தொடங்கினால் அடுத்த நாடகத்தை

அவளின் முதலிரவு அறையில்   !!!

               

அங்கும் அவள் இல்லை !!!

அது ஒரு அழகிய இடம்

குயில் கூவ, மயில் ஆட, மரங்கள் அசைய ,

அந்த காட்டு வழி பாதையில் போய் தேடினேன் ,

அங்கும் அவள் இல்லை !

வித விதமான சத்தத்தில், அசைந்தாடும்

அலைகள் அருகே, என்றாவது ஒரு நாள்

என்னை வந்தடையமாட்டாய, என காத்திருக்கும்

மணல் திட்டின் அருகே சென்று பார்த்தேன்,

அங்கும் அவள் இல்லை !

நிரந்தரமில்லாது ஓடிக்கொண்டே ,

தன் நிரந்தர இடத்தை தேடிக்கொண்டிருக்கும் ,

அந்த நதிகரை அருகே தேடிப் பார்த்தேன் ,

அங்கும் அவள் இல்லை !

வண்ணம் தீட்டிய வானம் ,

தன் வன்ணங்கள் பிரியும் தருவாயில், வரும்

கண்ணீரில் நினைந்த படியே தேடி

சென்றேன், அந்த நிழற்கொடையை நோக்கி

அங்கும் அவள் இல்லை !

வர்ணிக்க முடியா இருட்டு ,

அமைதியான இடம் ,

அனுமதியில்லாது உள் செல்ல முடியாது

அந்த அறைக்கு .

அங்கும் அவள் இல்லை

அங்கும் தேடினேன், இங்கும் தேடினேன் ,

எங்கும் அவள் இல்லை !

ஆனால், நான் தனியே  தேடிய இடத்தில் எல்லாம்

அவள் ஜோடியாய் வந்து சென்ற

கால் தடம் மட்டும் பதிந்திருந்தது  !!!

தற்கொலை ?

தற்கொலை என்ற வார்த்தையில் ,

கொலை என்ற பொருள் அடங்கி இருப்பதை தெரிந்த ,
அவள் செய்த காதல் தற்கொலை நாடகத்தில்

நிரந்தரமாக கொலை செய்யப்பட்டவன் நான் …

விருந்து !!!

அன்றிரவு சுவைத்ததை விட

இன்று சுவையில் சற்று மாற்றம்

உள்ளது

பரிமாறிய உன் விருந்தில்

பிழையா ?

இல்லை,

சுவைத்த என்

நாவில் பிழையா ?

மெளனமான உன் உதட்டில் புரிந்தது,

நீ பரிமாறிய உணவு,

எனக்கானதாய் இல்லை என்று !!!

அறிமுகம் !

அன்று காதல் என்ற வார்த்தை  

அவளுக்குத்  தேவைப்பட்டது

தகுதி என்ற வார்த்தை தடையாக இருந்தது

நட்பு என்ற பாலம் தடையை மீறியது .

பழகியதிலேயே நான் சிறந்தவன் என்றாள் .

பழக்கத்திலே என்னை உடையவன் என்றாள் .

பழகிய பின் காதலன் என்றாள் .

பழக்கம் முடிந்த பின் உன்னை போல்

நல்லவன் யாரும் இல்லை என்றாள் .

கடைசியாக நேற்று,

இவர் தான் என் கணவர்

என சொல்லி முடித்தால் !!

புகை !!!

உன்னை நினைத்து துடித்த இதயம்

புகையினால் மூடிக் கொண்டிருக்க ,

தொடர்ந்து தேடிக்  கொண்டிருக்கிறேன்

உனக்கான வரிகளை என் கவிதைகளில்

சேர்க்க !!!

அவள் விருப்பம் !

அவள் விரும்புவதை விருப்பம் போல்

கொடுக்க தெரியாது நின்ற

எனக்கு !

நான் விரும்பி விருப்பம் போல்

கொடுக்கும் நேரத்தில் ஏற்க முடியா

சூழ்நிலையில் நின்றாள்

அவள் !

அவள் சூழ்நிலை தெரிந்து விலகியே

நின்றேன் !

நான் விலகி சென்றதை புரிந்தக் கொண்ட  

அவள் விருப்பத்தை செம்மையாக

நிறைவேற்றினால் !

இடைவேளியின் எல்லை முடிவில் தெரிய வந்தது

விலகி சென்றது நான் இல்லை ,

அவள் தான் என்று !!!  

விலகி செல்ல நெறுங்கி வந்தவள் ,

விளக்கம் சொல்லாமலே

சென்றாள் .

விலகிய பின் தெரிய வந்தது ,

விளக்கம் சொல்லக் கூட நான்

தகுதி இல்லாதவனாய் என்னை

நினைத்தாள் என்று !

தகுதியில் தரம் பார்த்தவள்

தலையெழுத்தில் பிழையானாள் !

தலையெழுத்து என்றும் தரத்தை தீர்மானித்து அமையாது !!!

இனி வரும் காலங்களில் ‘

வாழ்வியலில் புரிந்துக்கொள்வாள் அவள் தலையெழுத்தை !!!