பெண் - கடவுள் போல !!!

பெண் கடவுள் போன்று 

உருவமாய் இருப்பாள் உணர முடியாது .

வேண்டிய அனைவருக்கும்
அவள் தரிசனம் கிடைப்பதில்லை
அவள் கொடுக்கும் தரிசனத்தை
தடுக்கும் உரிமை யாருக்குமில்லை.

கருவறையில் பூஜை
புனஸ்காரங்களும் நடக்கலாம்
கற்பழிப்புகளும் நடந்திருக்கலாம்.

கல்லாய் இருக்கும் கடவுளை
நம்பாமல் இருப்பவரும் உண்டு
உன்னால் தான் எனக்கு யாவும் நடக்கிறது
என்று நம்பியவரும் உண்டு .

உன் நம்பிக்கையைப் பெறுவதற்காக
விரதம் இருப்பவர்களை,
நீ கண்டுக்கொள்ளாமலும் இருப்பாய் .
உன்னை கண்டுக்கொள்ளாமல் இருப்பவர்களுக்கு
உன் முழு தரிசனமும் தந்தாலும் தந்திருப்பாய்

வேண்டுதல் நடக்க, மனம் , உடல்
வருத்தி காவு கொடுத்து புஜிப்பார் உண்டு.
பாவை காதலில் …...
இவை பத்தாதென

நீ காவு போகும் நிலையும் உண்டு
அவள் கருவறையில் இருக்கும்
பாக்கியம் அனைவருக்கும் கிடைப்பதில்லை
அப்படி கிடைக்குமாயின் அத்துடன் சொர்க்கம் ஏதுமில்லை

சிற்பங்களில் உள்ள வடிவம் போல்
அவள் மனதும் பல முகங்களில் பல கருத்துக்களை
பிரதிபலிக்கிறதே !

கல்லின் நிர்வாணம் சிற்பியின் கையில்
கடவுளின் நிர்வாணம் பக்தர்களின் பார்வையில்
அவளின் நிர்வாணம் மனதால் , உடலால்
என்றும் கடவுள் தான் ...

கல்லாய் இருக்கும் அவளை , சிற்பமாக மாற்றும் பாக்கியம் சிலரிடம் மட்டுமே கிடைக்கும் …!

பெண் கடவுள் போன்று
உருவமாய் இருப்பாள் உணர முடியாது !!!!!
உணர்ந்தவன் கடவுள் .....