கோவில் புறா !!!

விடியலுக்கு முன் பறக்க தொடங்கினேன் , கணாமல் போன 

என்னவளை தேடி ?

கணக்கில்லா திசைகள் ,
வழியில்லா பாதைகள்
நிழலில்லா இடங்கள்
எங்கும் கிடைக்கவில்லை !

பார்வை மங்கி,
பசி மறந்து,
குரல் மெலிந்து,
சதை தொலைந்து ,
அடையாளம் தொலைத்து தேடினேன்,
எங்கும் கிடைக்கவில்லை!

அவளா , இவளா
அப்போதே கிடைத்திருந்தால் ,
சரி இப்போது கிடைப்பாள் ,
ஒருவேலை கிடைக்காமலே இருந்தால்
எங்கும் கிடைக்கா இடத்தில் ,
யாரும் காணா இடத்தில் இறந்து இருந்தால்
என் மன குழப்பத்திற்க்கு பதிலும்
கிடைக்கவில்லை !

இறுதியில் இறகுகளின் ஆயுள் முடியும் நிலையில் ,
நான் தினமும் தஞ்சம் புகும் கோவிலின் உள் சென்று முறையிட முயன்றேன் ,
கடவுளாய் காட்சி தந்தாள் என் காதலி
பல முறை பூஜித்தும் கல்லாகவே காட்சியளித்தாள் !

நீ இருக்கும் இடத்தில் தான் நான் இருப்பேன் என
சொல்லாமல் நின்றாயோ ?
இல்லை ,
தெரிந்தும், தெரியாமலும் என் நிழலில் தான் உன் வாழ்க்கை
எனும் திமிரில் நின்றாயோ?
என் பாதுகாப்பில் தான் இன்றும் நீ, என்ற இறுமாப்பில் நின்றாயோ ?
தெரியவில்லை !
அனாதையாய் வந்த எனக்கு அடைக்கலம்
கொடுத்தவளே !
கருவறையில் நீ கடவுளாய் இருப்பாய்
என்றாள் ?
கோபுரத்தில் புறாவாகவே காத்திருப்பேன் ?
கழுகுகளின் பார்வையில் நான் படாத வரை !!!!